Dagiti Miembro ti Medicaid - Ania ti masapul a maammuam maipapan iti COVID-19
Kabayatan iti daytoy Nasional nga Emerhensia, ituloymi latta amin a masakupan dagiti kamengmi. No addaka iti Medicaid-en agrugi ti 3/18/2020, adda latta iti masakupam. No rumbengka idin, masakupka latta.
Ti Coronavirus a Sakit 2019 (COVID-19) ket baro a sakit a mangpataud iti sakit ti panaganges kadagiti tattao ken mabalin a maiyakar iti sabali a tao. Mabalin a maakaran ti amin a tao nga aniaman ti edadna. Dagiti dadduma nga nataengan ken dagiti addaan iti sigud a kondision kas iti angkit, diabetes ken sakit ti puso ti ad-adda a nakaro nga agsakit no maakaranda. Adu a detalye ti saan pay a naammuan maipapan iti daytoy a sakit, kas kadagiti pagpilian ti panagagas, no kasano nga agkurri ti virus, ken ti dagup nga epekto ti daytoy a sakit.
Ania ti coronavirus?
Ti COVID-19 ket sakit iti panaganges a gapu iti virus a maawagan iti coronavirus, a nagbalin nga emerhensia iti salun-at ti publiko. Agtultuloy nga umad-adu dagiti kaso iti pagilian ken iti intero a lubong.
Ania dagiti sintomas?
Dagiti sintomas ti coronavirus ramanenna ti simple agingga iti nakaro a sintomas iti panaganges. Ramanen dagiti sintomas ti gurigor, uyek, ken marigatan nga umanges, ken sakit iti bara. Mabalin a makaakar ti COVID-19 sakbay pay makita dagiti sintomasna iti maysa a tao.
Ania pay dagiti makagapu kadagiti kapadana a sintomas?
Ti trangkaso, makaakar a sakit iti pagangsan gapu iti influenza virus (Type A ken Type B), ket adu ti nakaptan ita iti United States. Amin nga agedad iti 6 a bulan wenno nangatngato ket mabakunaan koma iti bakuna ti trangkaso.
Baka adda dagiti sintomasko. Ania ti aramidek?
No nakaptanka wenno adda dagiti sintomasmo nga addaanka iti virus wenno trangkaso, kontakem a dagus ti mangipapaay iti panangaywan kenka wenno ti departamento ti salun-at.
Salaknibam ti bagim ken ti komunidadmo.
Adda amin amadtayo a mangsalaknib iti komunidad ken pamiliatayo manipud iti panagwaras ti coronavirus. Kas met laeng dayta kadagiti dadduma a makaakar a virus. Mabalin met a surotem dagitoy a singasing tapno malapdan ti impeksion:
- Kanayon a bugguam a naimbag dagiti imam. Agusar iti sabon ken danum iti saan a nababbaba ngem 20 a segundo.
- Agusar iti de alkohol a sapsapo iti ima (masapul a saan a nababbaba ngem 60 a porsiento ti alkoholna).
- Abbongam ti ngiwatmo no aguyekka wenno agbaengka babaen ti panagbaeng/panaguyek iti sikom.
- Ibellengmo a dagus iti basuraan dagiti tisyu kalpasan nga inusarmo.
- Dalusan a naimbag dagiti rabaw dagiti banag nga adda iti publiko.
- Agtalinaedka iti balayyo no agsakitka.
- Dika makialamano.
- Dika makiinnasideg kadagiti tattao nga agsakit.
- Agpabakunaka iti para trangkaso.
Masakupan kadi ti planok dagiti serbisio iti eksamenasion/iskrining/panagagas para iti COVID-19?
Wen. No kasapulan ti medikal nga eksamen, serbisio medikal ken/wenno panagagas nga ikalikagum ti lisensiado a mangipapaay iti panangtaripato, bayadanmi dagiti medikal a kasapulan nga eksamen para iti COVID-19, nainaig a panagbisita iti doktor ken/wenno panagagas. No agaplikar, ti copayment ti planom, coinsurance ken/wenno maikissay a cost-sharing ket maipuera para kadagiti medikal a kasapulan maipaay iti eksamenasion para iti COVID-19, serbisio medikal ken/wenno panagagas.
Kasapulan kadi ti naiyuna a pammalubos iti eksamenasion para iti COVID-19, dagiti serbisio iti iskrining ken/wenno panagagas a masakupan ti planok?
Saan. Saanmi a kiddawen ti maipakauna nga awtorisasion, maipakauna a sertipikasion, maipakauna a pakaammo ken/wenno dagiti protokol ti panagagas para iti medikal a kasapulan nga eksaminasion iti COVID-19, dagiti medikal a serbisio a panagpa-screen, ken/wenno panagagas no dagiti medikal a kasapulan a serbisio ket ibilin ken/wenno irekomendar ti lisensiado a mangipaay iti pannaripato iti salun-at.
Sadino ti mabalin a pangalaak kadagiti serbisio iti eksamenasion/iskrining/panagagas para iti COVID-19 a masakupan ti planok?
Dagiti medikal a kasapulan a dayagnostik nga eksamen para iti COVID-19, medikal a serbisio a panagpa-screen ken/wenno panagagas ken ti mainaig a panagbisita iti doktor ket mabayadan no naibilin, nairekomendar ken/wenno naaramid iti sumaganad a lugar iti Uneg-ti-Network:
- Opisina ti Doktor/Mangngagas
- Independiente a Laboratorio/Pasilidad a Pagdayagnosan
- Pasilidad Para iti Kasapulan Unay a Panangaywan
- Pasilidad ti Departamento ti Emerhensia
Saanmo kadi nga ammo no adda nakapulapolmo nga addaan iti wenno naimpektaranka iti COVID-19? Mangyeskediulka iti virtual a panagbisita iti provider. Nasayaat dayta a pamay-an para kadagiti saan nga emerhensia tapno malimitaran a maakaran iti opisina ti doktor wenno dadduma pasilidad ti salun-at.
Rebbengek kadi dagiti aniaman a mabayadan para kadagiti serbisio iti eksamenasion/iskrining/panagagas para iti COVID-19?
Saan. Bayadanmi dagiti medikal a kasapulan nga eksamenasion a pangdayagnos, medikal a serbisio a panagpa-screen ken/wenno panagagas para iti COVID-19 nga awan bayadam, no dagita a serbisio ket ibilin ken/wenno irekomendar ti lisensiado a mangipaay iti serbisio. No agaplikar, ti copayment ti planom, coinsurance ken/wenno maikissay a cost-sharing ket maipuera para kadagiti medikal a kasapulan maipaay iti eksamenasion para iti COVID-19, serbisio medikal ken/wenno panagagas, ken ti nainaig a panagbisita iti doktor.
No kasapulak ti pangagas para iti coronavirus, sakupen kadi dayta ti planok?
Aniaman a kasapulan a medikal a panagagas a nainaig iti COVID-19 ket maibilang a masakupan a benepisio. Siguraduenmi a maipaay dagiti serbisio a panagagas para iti COVID-19 maitunos iti linteg pederal ken linteg ti estado.
Mabalin kadi nga agkiddawak iti naireseta kaniak sakbay ti petsa ti panagkiddaw manen?
Wen, mabalin nga agkiddaw manen kadagiti naireseta sakbay ti naited a petsa.
Adda kadagiti dagiti pamay-an tapno kabaelan a sanguen ti panagwaras ti COVID-19?
Mabalin a kumaro ti panagdanag ken parikut gapu iti panagwaras ti COVID-19. Panangpanunot kadagiti gagayyem ken pamilia nga agnanaed kadagiti lugar a nagwarasan ti COVID-19 wenno lugar a natural ti panagwaras ti sakit.
- Aywanam ti bagim. Umangeska ti nauneg, agunnatka wenno agutobka.
- Makisaritaka iti dadduma. Ibagam dagiti pampanunotem ken ti marikriknam iti gayyem wenno kapamilia. Pagtalinaedenyo a nasayaat ti relasionyo ken mangnamnamakayo ken agpanunotkayo a sipopositibo.
- Ibagam dagiti impormasion maipapan iti COVID-19 ken ti talaga a peggad dayta iti dadduma. Dagiti tattao a naggapu manipud kadagiti lugar nga agdama a pagwarwarasan ti virus nasurok a 14 nga aldaw ti napalabasen ken awanan iti sintomas ti COVID-19 ket saan a delikado iti dadduma.
- Para iti kanayonan nga impormasion, kitaen tisingasing ti CDC para iti mental a salun-at ken no ania dagiti aramiden bayat ti COVID-19
Para iti ad-adu nga impormasion, karaman dagiti pakaammo iti panagbiahe, pangngaasim ta bisitaem ti cdc.gov.