Dagiti Masansan a Saludsod

Q: Kasanoak a makaala iti reseta?

S: Dagiti reseta ket masapul nga insurat ti doktor iti plano.

Q: Ania ti proseso iti panangala iti napunuan a reseta?

S:Ipakitam ti ID kardmo no itedmo ti resetam iti parmasia. Awan ti co-pay para kadagiti naireseta nga agas a para kadagiti Medicaid-laeng a kameng. Mabalin nga adda co-pay no addaanka iti sabali pay a makasakup nga insurance a kas iti Medicare.

Q: Ania dagiti agas a bayadan to ‘Ohana CCS?

S: Bayadan ti ‘Ohana CCS dagiti agas a para iti salun-at ti ugali; kitaem ti Listaan iti Maipangpangruna nga Agas (PDL) mi para iti kumpleto a listaan. Dagiti doktor ken parmasista ti mangar-aramid iti listaan. Usaren ti doktormo wenno ti tagaipaaymo ti listaan no agiresetada iti agas kenka. Dagiti dadduma nga agas ket masapul a maaprobaran babaen iti Coverage Determination Request (CDR) a punuan ti doktormo. (Agaplikar daytoy kadagiti agas nga agkasapulan iti nasaksakbay nga autorisasion ken dagiti agas a saan a nakalista iti PDL.) Addaan met ti listaan kadagiti agas a mabalin nga addaan kadagiti limitasion kas iti nasaksakbay nga autorisasion, limitasion iti kinaadu, step therapy, limitasion iti edad wenno limitasion ti seks.

Q: Bayadan kadi ti ‘Ohana CCS dagiti agas no adda Medicare ko?

S: Ti Medicare Paset D ket benepisio iti reseta nga agas. Sidadaan daytoy kadagiti amin nga addaan Medicare. Kayat a sawen daytoy a kaadduanna a maireseta nga agas ket sakup ti planom iti Medicare Part D, saan a ti ‘Ohana CCS Medicaid. Mabalin a sakupen ti ‘Ohana CCS dagiti agas a saan a masakupan ti Medicare Part D.

Q: Adda kadi dagiti agas a saan a bayadan ti ‘Ohana CCS?

S: Saan a bayadan ti plano dagitoy nga agas:

• Dagiti mausar tapno matulonganka nga agsikog.
• Dagiti mausar para iti anorexia wenno tapno dumagsenka.
• Dagiti mausar para iti saan a tumangken a mabagbagi ti lalaki.
• Dagiti mausar para kadagiti kosmetiko a panggep wenno tapno umatiddog ti buokmo.
• Dagiti DESI (Drug Efficacy Study Implementation) nga agas ken dagiti agas a maipada, mainaig wenno kaasping dayta nga agas.
• Maim-imbestigaran wenno maeks-eksperimento nga agas.
• Dagiti mausar iti aniaman a panggep a saan a maawat a medikal.

Q: Makaalaak kadi iti aniaman nga agas a kayatko?

S: Maalam amin nga agas a medikal a kasapulan para iti pannakataripatom. Mabalin nga amin nga agas nga imbilin ti doktormo ket masakupan no la ket adda dagita iti Listaan ti Maipangruna nga Agas. Awagam ti Serbisio iti Kostumer iti aniaman a saludsodmo. Kadagiti dadduma a kaso, ikalikagummi a padasem pay ti sabali nga agas sakbay a maaprobaran ti immuna a kiniddawmo. Mabalin a saanmi nga aprobaran ti kiniddawmo nga agas no dimo pay padasen nga umuna ti alternatibo nga agas.

Q: Dagiti kadi generik nga agas ket kas kasayaat dagiti brand-name nga agas?

S:Wen. Dagiti generik nga agas ket agpada kadagiti adda brandna nga agas. Dagiti ramen wenno ingredients dagitoy ket agpada kadagiti adda brandna nga agas.

Q: Ania ti Direct Member Reimbursement a medikasion?

S:No dadduma, mabalin a bayadam iti bukodmo a bulsa dagiti medikasionmo a manipud iti retail a botika. Kalpasanna mabalinmo nga ipasa ti porma ti panagtunton ken dagiti resibom tapno mapasublim dagiti gastosmo. Maawagan daytoy a Direct Member Reimbursement (DMR) wenno Direkta a Reimbursement iti Kameng.

Q: Sadino ti pangipaw-itak iti kiddawko a DMR?

S:

Q: Ania dagiti kasapulan nga iramanko iti tunggal kiddaw a maaprobaran a DMR?

S:

• Maysa a nakompleto, napirmaan a porma ti Direct Member Reimbursement.
• Maysa a nakadetalye a resibo ti reseta (saan a maawat dagiti surat ti ima a resibo) wenno printout ti parmasia nga addaan kadagiti sumaganad nga impormasion: nagan ti kameng, nagan ti parmasia, nagan ti doktor, nagan ti agas, bileg ti agas, bilang ti naited, kasapulan iti manu nga aldaw ken ti gatad nga imbayadmo.
• Maysa a cash register a resibo a mangipakita iti petsa no kaano a nabayadan ti reseta ken no mano ti naibayad.
• Dagiti amin nga impormasion iti ngato ket masapul a mairaman. Ta no saan, mailibak wenno saan a maaprobaran ti DMR.
• Mabalin nga agibusonkanto manen iti kiddaw a napunuanen dagiti kurang nga impormasion.

Q: Mano ti maawatko a maisubli kaniak?

S: No makitami a ti medikasion ket masakupan a benepisio, makaawatka iti tseke nga aggatad iti presio a nakakontrata iti plano. Mabalin a naiduma daytoy iti retail a presio.

Q: Kasano kabayag ti panagurayko para iti reimbursement ko?

S: Masansan nga abutenna ti 4 agingga 6 a lawas manipud iti petsa ti panangipaw-itmo iti DMR a porma. Siguraduem a nakompleto ti porma ken addaan kadagiti amin nga impormasion. Ta no saan, mabalin a maitantan ti kiddawmo wenno saan a maaprobaran. Agaplikar ti pagalagadan ti formulario kadagiti amin a kiddaw a reimbursement.

Q: Kasano no diak kayat ti inaramidda a pangngeddeng?

S: Mabalin a saanmo a kayat ti pangngeddeng nga inaramidmi. Adda karbengam nga agapela.