Dagiti Karbengan ken Responsabilidad

Ammoen dagiti Karbengam a kas Kameng ti QUEST Integration.

Kas miembro ti ‘Ohana, adda karbengam nga:

Mangawat ti impormasion a segun ti plano;
Matrato iti narespeto a wagas ken addaan ti husto a konsiderasion para ti dignidad ken kinapribado ti miembro;
Kasapulan ti amin a rekord ken medikal ken personal nga impormasion a agtalinaed a nailimed;
Umawat iti impormasion maipapan ti sidadaan a pagpilian a panagagas ken alternatibo, a naipakita iti wagas a maikanatad iti kondision ti miembro ken abilidadna a makaawat;
Makitaripnong kadagiti decision maipapan ti panangtaripato ti salun-at na, agraman ti karbengan a mangilibak ti panagagas;
Maiwaya kadagiti aniaman a porma ti panagpagel wenno panagmaymaysa a kas wagas ti koersion, disiplina, nam-ay wenno panaglibak, a kas naisalumina kadagiti regulasion a federal ayan ti panagusar ti panagpagel ken panagmaymaysa;
Agkiddaw ken umawat ti kopia ti medikal a rekordna, ken ti kiddaw nga baliwan wenno maator ti rekord a kas naisalumina ti plano;
Agurnos dagiti serbisyo ti panangtaripato ti salun-at segun ti plano;
Nawayaka a mangaramid/mangusar kadagiti karbengam a pakairamanan dagiti mainaig iti panagidatag iti reklamo wenno apela, ken ti pannakaibanag dagitoy a karbengan ket saan a makaapektar iti wagas ti pannakatratom
Maaddaan iti direkta nga access iti maysa nga espesialista iti salun-at dagiti babbai nga adda iti uneg ti network;
Makaawat iti maikadua nga opinion nga awan bayadan kas kameng;
Makaawat kadagiti serbisyo nga awan-iti-network no ti plano iti salun-at ket saanna a maipaay iti uneg-ti-network, no la ket ta saan a maipaay dagitoy ti plano iti salun-at iti uneg-ti-network ken saan nga agbayad iti nalablabes ngem iti bayadanna koma no ti serbisyo ket naipaay iti uneg-ti-network
Umawat kadagiti serbisyo a kas nailanad kadagiti pagbasaran iti tiempo ti panaguray iti appointment
Makagun-od kadagiti serbsio nga awan idumdumana a kultura
Makagun-od kadagiti serbisyo iti naurnos a pamay-an
Maprotektaran ti kinapribado
Mairaman ti pagannayasan ti serbisyo ti plano, no maiyaplikar;
Maikkan iti direkta nga access kadagiti espesialista (no isu ket agkasapulan kadagiti naisingsingayan a taripato ti salun-at).
Saan a basta mapaidaman kadagiti serbisyo wenno makissayan iti rukod, kinapaut wenno saklaw gapu laeng iti dayagnosis, klase ti sakit wenno kasasaad.
Saan a manungsungbat iti:
- Ti utang ti plano ti salun-at no kas pagarigan didan makabayad;
- Dagiti masakupan a serbisyo nga ipaay ti plano ti salun-at iti kameng a saan a bayadan ti Med-DHS iti plano ti salun-at
- Dagiti maited a masakup a serbisyo kadagiti kameng a saan a bayadan ti DHS wenno plano ti salun-at ti tagaipaay ti panangtaripato ti salun-at a mangiyur-urnos kadagiti serbisyo; ken
- Dagiti bayad ti masakup a serbisyo iti naiyurnos a kontrata, referral wenno dadduma a pannakaiyurnons ti surok a gatad ti utang ti kameng no ti naited a plano ti salun-at ket naipaay a direkta; ken
Agbalin laeng a responsable kadagiti pagbibingayan a babayadan a kas nadakamat iti planom

LAGLAGIPEN:No agkedked ti ‘Ohana Health Plan a mangipaay iti serbisio gapu iti moral wenno narelihiosuan a rason, masapul a mangipaay ti Plano ti Salun-at iti impormasion maipapan kadagiti serbisio a saanna a masakupan:

Para iti DHS iti uneg ti 120 nga aldaw kalpasan a naipakat dagiti paglintegan
Para kadagiti kameng sakbay ken kabayatan ti panagpalista
Para kadagiti kameng iti uneg ti 90 nga aldaw kalpasan a naipakat dagiti paglintegan nga adda pakainaiganna iti aniaman a partikular a serbisyo

Ammoen dagiti Rebbengem a kas Kameng ti QUEST Integration.

Kas miembro ti ‘Ohana, adda responsibilidadmo nga:

Mangipaay iti impormasion a ti plano ken dagiti tagaipaayna ket masapul a mangipaay iti taripato
Mangsurot kadagiti plano ken pagalagadan para iti taripato nga inanamongam iti bukodmo a PCP
Mangawat kadagiti parikutmo iti salun-at
Tumulong a mangikeddeng kadagiti kalat iti panagpaagas nga agpada nga inanamongam ken ti bukodmo a PCP
Mangbasa iti libro ti kameng tapno maawatam no kasano nga agtignay ti plano
Kanayon nga awiten ti ID kardmo kas kameng
Kanayon nga awiten ti Medicaid kardmo
Mangipakita kadagiti ID kardmo iti tunggal tagaipaay
Pakaammoan ti ‘Ohana no mapukawmo ti member ID kardmo
Mangyeskediul kadagiti appointment para kadagiti amin a saan nga emerhensia a taripato babaen iti bukodmo a PCP
Makaala iti referral manipud iti bukodmo a PCP para iti espesialidad a taripato
Makikooperar kadagiti tattao a mangipapaay iti taripato ti salun-atmo
Nasapa kadagiti appointment
Pakaammoan ti opisina ti mangipaay iti serbisio no masapulmo a kanselaen wenno baliwan ti appointment
Mangraem kadagiti karbengan dagiti amin a tagaipaay
Mangraem iti sanikua dagiti amin a tagaipaay
Mangraem kadagiti karbengan dagiti dadduma a pasiente
Saan a mangsinga kadagiti opisina ti siasinoman a mangipaay iti serbisio
Mangammo kadagiti agas nga ipaunegmo, no para ania dagita ken no kasano a tumarem dagita iti umiso a pamay-an
Mangsigurado nga adda kopia ti bukodmo a PCP kadagiti amin a naglabas a medikal rekordmo
Ipakaammo iti plano iti uneg ti 48 nga oras, wenno iti kabiitan a panawen, – no naospitalka wenno naipaayan iti pannaripato iti kuarto ti emerhensia
Tawagan ti ‘Ohana tapno mangala iti impormasion wenno masungbatan dagiti saludsodmo. Tawagam ti Customer Service a libre iti 1-888-846-4262 (TTY 711).