Dagiti Karbengan ken Responsibilidad ti Miembro

Dagiti Karbengan dagiti Kameng

Kas kameng ti ‘Ohana CCS, adda karbengam nga:

Mangala iti impormasion maipapan iti planom, dagiti serbisio, dagiti practitioner ken dagiti mangipaay serbisiona.
Mangala iti impormasion maipapan kadagiti karbengam ken kadagiti responsabilidadmo.
Manggun-od kadagiti proteksion a nakalista iti Patients’ Bill of Rights ken iti Responsibilities Act (HRS Chapter 432E).
Mangammo kadagiti nagan ken titulo dagiti mangipaay iti serbisio a manartaripato kenka.
Matrato nga addaan respeto.
Matrato nga addaan dignidad.
Maipaayan iti kinapribado.
Agkeddeng a kadua ti mangipaay ti serbisio kenka a mainaig iti maalam a pannakataripato.
Makipatang maipapan iti pannaripato a kasapulam kas mainaig kadagiti kondision ti salun-atmo. Karaman ditoy dagiti pagpilian ken dagiti potential a peggad, aniaman ti gatad wenno benepisio a karaman. Masapul a magun-odmo daytoy nga impormasion iti wagas a maawatam.
Mangammo kadagiti kasapulam iti pannakataripato ti salun-atmo kalpasan a rummuarka iti ospital wenno pumanaw iti opisina ti maysa a mangipaay serbisio.
Agkedked iti pannaripato, no la ket umanamongka a sungsungbatam ti pangngeddengmo.
Saan a makipaset iti aniaman a medikal a panagsukimat.
Mangidatag iti reklamo ken/wenno apela maipanggep iti plano wenno iti ipapaayna a pannaripato. Ken ammoen a no aramidem daytoy, saannanto nga apektaran ti pannakatratom.
Agbalin a nawaya manipud iti aniaman a kita ti pananglapped wenno pannakaisina kas wagas a panangpuersa, panangdisiplina, pagnam-ayan wenno panagibales.
Agkiddaw ken makaala iti kopia dagiti rekord ti salun-at ti ugalim.
Agkiddaw nga amiendaram wenno korehirem dagiti rekord ti salun-at ti ugalim.
Mapagtalinaed a pribado dagiti rekordmo.
Maipakaammom dagiti kayatmo mainaig iti pannakataripato ti salun-atmo babaen iti panangusar kadagiti pakauna a bilbilin.
Mangted iti singasing kadagiti karbengan ken responsibilidad dagiti miembro ti plano.
Mangusar kadagitoy a karbengan aniaman ti seks, edad, puli, tribu, matgedan, edukasion wenno relihionmo.
Bigbigen dagiti amin nga empleado ti plano dagiti karbengam.
Mangala kadagiti serbisio a pannaripato ti salun-at a nalaka a maawat, umasping iti kaadu, kapaut ken kaadu ti sakupenna kadagiti ipaay ti Medicaid Fee-for-Service ken umdas ti kaadu, kapaut ken kaadu ti sakupenna tapno nainkalintegan a manamnama a magun-od ti panggep a nakairantaan dagiti a serbisio.
Mangala kadagiti mayannatup a serbisio a saan a maipaidam wenno makissayan gapu laeng iti dayagnosis, klase ti sakit wenno kondision ti salun-at ti panunot.
Maala amin nga impormasion iti wagas a nalakam a maawatan, iti nadumaduma a format ken iti wagas a mangibilang kadagiti espesial a kasapulam.
Mangala iti tulong tapno maawatan dagiti pagannurutan ken benepisio ti plano.
Mangala iti berbal a serbisio a panagipatarus nga awan bayadna. Daytoy ket para kadagiti amin a pagsasao a saan-nga-Ingles, saan laeng a dagiti kadawyan.
Mabagaan a sidadaan para kenka ti berbal a panagipatarus, ken no kasano a maala daytoy a serbisio.
Mangala iti impormasion maipapan kadagiti:
- Ti kangrunaan a feature ti maimanehar a panangaywan.
- No asino dagiti mabalin wenno saan a mabalin a makiraman iti programa.
- Dagiti responsibilidad ti plano para iti koordinasion ti pannaripato iti naintiempuan a wagas tapno makaaramid kadagiti nalawlawagan a panagpili (dagiti manamnama a miembro).
Mangala iti kumpleto a pannakailadawan ti karbengam nga umikkat iti plano.
Mapakaammuan iti aniaman a kangrunaan a panagbalbaliw dagiti benepisio. Masapul a maalam daytoy iti uneg ti 30 nga aldaw sakbay a maipatungpal ti aniaman a panagbalbaliw.
Mangammo iti amin nga impormasion maipapan iti serbisio iti emerhensia ken kadagiti oras kalpasan ti trabaho.
Maala ti pagannurutan ti plano kadagiti referral para kadagiti espesial a pannaripato ken dagiti dadduma a benepisio a saan nga ipaay ti Mangimaton iti Kaso/Ahensia ti miembro wenno ti mangipaay pannaripato iti salun-at ti miembro.
Mayaplikar amin dagitoy a karbengan iti tao a legal a dutokam nga agdesision maipapan iti pannakataripato ti salun-atmo.
Nawayaka a mangusar kadagiti karbengam, agraman dagiti mainaig iti panangidatag iti reklamo wenno apela, ken ti pannakaibanag dagitoy a karbengan ket saan a makaapektar iti wagas ti pannakaagasmo.
Makaawat iti maikadua nga opinion nga awan bayadan kas miembro.
Makaawat kadagiti serbisio iti ruar-ti-network no ti plano iti salun-at ket saanna a maipaay dagitoy iti uneg-ti-network no la ket ta saan a maipaay dagitoy ti plano iti salun-at iti uneg-ti-network ken saan nga agbayad iti nalablabes ngem iti bayadanna koma no dagiti serbisio ket naipaay iti uneg-ti-network.
Umawat kadagiti serbisio kas mayannurot kadagiti pagbasaran a tiempo ti panaguray iti appointment.
Makaala kadagiti serbsio iti wagas a mayannatup iti kultura.
Makaala kadagiti serbisio iti naikoordina a wagas.
Masaluadan ti kinapribadom.
Mairaman iti panagaramid iti plano ti pannakataripato.
Maaddaan iti access kadagiti mangipaay serbisio a nakakontrata iti plano ti salun-at.
Maikkan iti direkta nga access kadagiti espesialista (no addaanka kadagiti espesial a kasapulan iti pannakataripato ti salun-at).
Mapakaammoan mainaig kadagiti maiparit iti waya nga agpili kadagiti mangipaay serbisio iti network.
Saan a basta mapaidaman kadagiti serbisio wenno makissayan iti rukod, kinapaut wenno saklaw gapu laeng iti dayagnosis, klase ti sakit wenno kasasaad.
Makagun-od iti deskripsion dagiti responsabilidad iti pagbibingayan a babayadan, no adda man.
Saan a manungsungbat iti:
- Ti utang ti plano ti salun-at no kas pagarigan didan makabayad.
- Dagiti masakupan a serbisio nga ipaay ti plano ti salun-at iti miembro a saan a bayadan ti Med-QUEST Division ti plano ti salun-at.
- Dagiti masakupan a serbisio a naipaay iti miembro a saan a bayadan ti Med-QUEST Division wenno ti plano ti salun-at ti serbisio ti mangipapaay iti panangaywan; ken dagiti bayad dagiti masakupan a serbisio a naipaay babaen iti kontrata, rekomendasion wenno sabali pay nga urnos agingga iti rukod a dagiti bayad ket lumabes iti gatad a babayadan ti kameng no direkta nga impaay ti plano ti salun-at dagita a serbisio.
Agbalin laeng a responsable kadagiti bingay a bayadan kas inladawan ti planom.
Maikkan iti nakasurat a pakaammo maipapan iti aniaman a dakkel a panagbalbaliw mainaig kadagiti karbengan ken responsibilidad ti miembro ken dagiti wagwagas iti saan a nakurkurang ngem 30 nga aldaw sakbay ti naituding a petsa nga agpannuray ti panagbalbaliw.

Dagiti Responsabilidad dagiti Kameng

Kas kameng, addaanka met iti responsabilidad a:

Mangted ti impormasion a kasapulan ti plano ken dagiti mangipaay ti serbisiona tapno mangipaay iti pannaripato.
Suroten dagiti plano ken bilbilin para iti pannaripato nga inanamonganyo ken ti Mangimaton iti Kasom/Ahensiam wenno mangipaay iti pannaripato ti salun-atmo.
Mangawat kadagiti parikutmo iti salun-at.
Tumulong a mangituding kadagiti panggep ti panagagas nga inanamonganyo ken ti Mangimaton iti Kasom/Ahensiam wenno mangipaay iti pannaripato ti salun-atmo.
Basaen ti Libro ti Miembro tapno maawatam no kasano nga agtignay ti plano.
Kanayon nga itugot ti ‘Ohana CCS member ID kardmo.
Kanayon nga itugot ti Medicaid card mo.
Ipakitam dagiti ID card mo iti tunggal mangipaay iti serbisio.
Pakaammoan ti ‘Ohana CCS no mapukawmo ti member ID kardmo.
Mangiskediul kadagiti appointment para iti amin a saan nga emerhensia a pannaripato iti salun-at ti ugali babaen iti Mangimaton iti Kasom/Ahensiam wenno mangipaay iti pannaripato ti salun-atmo.
Mangala ti referral manipud iti Mangimaton iti Kasom/Ahensiam wenno mangipaay iti pannaripato ti salun-atmo para iti espesial a pannakataripato.
Makitinnulong kadagiti tattao a mangipapaay iti pannaripato iti salun-atmo.
Mapan kadagiti appointment iti husto nga oras.
Pakaammoan ti opisina ti mangipaay iti serbisio no masapulmo a kanselaen wenno baliwan ti appointment.
Respetaren dagiti karbengan dagiti amin a mangipaay iti serbisio.
Respetaren ti sanikua dagiti amin a mangipaay iti serbisio.
Respetaren dagiti karbengan dagiti dadduma a pasiente.
Saan a mangsinga kadagiti opisina ti siasinoman a mangipaay iti serbisio.
Ammoen dagiti agas a tomarem, no para ania dagitoy, ken no kasano a tomarem dagitoy iti husto a wagas.
Tulungam ti Mangimaton iti Kasom/Ahensiam wenno mangipaay iti pannaripato ti salun-atmo a mangala kadagiti kopia ti amin nga immum-una a rekord ti salun-atmo.
Ipakaammo iti plano iti uneg ti 48 nga oras, wenno iti kabiitan a panawen, no naospitalka wenno naipaayan iti pannaripato iti kuarto ti emerhensia.
Tawagan ti ‘Ohana CCS tapno mangala iti impormasion wenno masungbatan dagiti saludsodmo. Tawagam ti Customer Service a libre iti 1-866-401-7540 (TTY 711).