Dagiti Apela ken Reklamo
Kayatmi nga ipakaammom a dagus no addaanka kadagiti saludsod, pakaseknan wenno parikut kadagiti serbisio a masakupan wenno iti taripato a naawatmo. Ipalawag daytoy a seksion no kasanom nga iyebkas dagiti pakaseknam.
Adda dua a klase ti pakaseknan. Maawaganda iti:
Palubosannaka ti estado a mangidatag iti reklamo no adda parikutmo iti plano. Nakitinnulong met ti estado iti pannakaisimpa dagiti pagalagadan maipapan iti panagreklamo ken no ania ti aramidentayo no makaawattayo iti maysa. No agidatagka iti reklamo wenno apela, nasken a pataskami. Saandaka a mabalin nga ikkaten wenno tratoen a di-nasayaat gapu ta adda reklamom.
Ti apela ket kiddaw a mabalinmo nga aramiden no saanka nga umanamong iti pangngeddengmi maipapan iti taripato iti salun-at a maaw-awatmo ken/wenno iti kinanaintiempoanmi. Mabalinmo ti agkiddaw nga agapela no maysa kadagiti sumaganad ti mapasamak:
- No saanmi nga anamongan wenno limitaranmi ti kiddaw a serbisio a kiniddaw ti tagaipaaymo iti taripato ti salun-at nga aprobaranmi
- No kissayanmi wenno isardengmi dagiti serbisio a maaw-awatmon nga inaprobaranmi
- No saanmi a bayadan dagiti serbisio para iti salun-at ti ugali a maaw-awatmo
- No saandaka a maipaayan kadagiti serbisio iti naituding a tiempo
- No saanmi a maited kenka ti pangngeddeng iti inyapelam iti naituding a tiempo
- No saanmi a maited kenka ti resolusion iti reklamo iti naituding a tiempo
- No saankami nga umanamong a mangalaka iti tagaipaay iti tariparo ti salun-at nga awan iti networkmi ken agnanaedka iti away wenno iti lugar a limitado dagiti tagaipaay
Makaawatka iti surat manipud kadakami no mapasamak iti aniaman kadagitoy nga aksion. Maaw-awagan daytoy kas “Saan a Pabor a Pangngeddeng iti Benepisio” Mabalinmo ti mangidatag iti apela no di ka umanamong iti desisionmi.
Kasanoak nga Agidatag iti Apela?
Masapul nga idatagmo ti apelam iti uneg ti 60 nga aldaw manipud iti petsa a naawatmo ti kopiam ti Saan a Pabor a Pangngeddeng iti Benepisio. Mabalin ka nga agidatag babaen ti panagtawag wenno panagsurat kadakami. No kasapulan, tulongandaka a mangidatag iti apelam. Mabalin met nga agpatulongka kadagiti dadduma. Ngem, kasapulanmi ti naisurat wenno berbal a pammalubosmo para iti daytoy. Mabalin a tulongannaka ti tagaipaaymo wenno ti asinoman a pinilim nga agidatag iti apela. Mabalin met nga isudan ti mangisarita iti apelam kadakami.
Para kadagiti Kiddaw nga Apela a para kadagiti Medikal a Serbisio:
Tawagam ti Customer Service a libre iti 1-866-401-7540 (TTY 711). Mangipatulodka iti fax kadakami iti 1-866-201-0657 wenno suratandakami iti:
‘Ohana CCS Health Plan
Attn: Departamento dagiti Apela
P.O. Box 31368
Tampa, FL 33631-3368
Para kadagiti Kiddaw iti Panagapela para kadagiti Medikasion iti Parmasia:
Tawagam ti Customer Service a libre iti 1-866-401-7540 (TTY 711). Mangipatulodka iti fax kadakami iti 1-888-865-6531 wenno suratandakami iti:
‘Ohana Health Plan
Attn: Pharmacy Medication Appeals Department
P.O. Box 31398
Tampa, FL 33631-3398
Wenno kumpletoem ti porma online
Suratandaka iti uneg ti lima nga aldaw ti negosio kalpasan a naawatmi ti inyapelam. Pakaammuannaka daytoy a surat a naawatmin daytoy. Repasuenmi dayta ket suratandaka iti uneg ti 30 nga aldaw ket maammuamto ti desisionmi. Mabalinmo wenno ti napilim a pannakabagi a repasoen dagiti amin nga impormasion nga inusarmi tapno maaramid ti desision kabayatan wenno kalpasan ti pannakarepaso ti apela
Kasano No Masapulko ti Napaspas (Nabibiit) a Panagapela?
Mabalinmo wenno ti doktormo ti agkiddaw para iti napaspas a panagapela. Ikkandaka iti napaspas a panagapela no ibaga ti tagaipaaymo a ti panaguray ket mabalin a nakaro a pagpeggadan ti salun-atmo. Mabalinmo ti agkiddaw iti napartak nga apela uray no awan ti tulong ti maysa a doktor. Dakami ti agikeddeng no kasapulam ti napaspas a pangngeddeng. Masapul a sika wenno ti tagaipaaymo ti umawag wenno ag-fax para iti napaspas a panagapela. Tumawag a libre iti 1-888-846-4262 (TTY 711). Ipatulod ti fax iti 1-866-201-0657. Para iti napaspas a panagapela, awagandaka no addan naaramid a pangngeddeng. Mangipatulodkami met iti surat a naglaon iti pangngeddeng iti apela iti uneg ti uneg ti 72 nga oras.
No agkiddawka iti napaspas a panagapela ken nagkeddengkami a saan a kasapulan dayta, ti aramidenmi ket:
- Iyakar ti apela iti uneg ti kapaut ti tiempo para iti standard a resolusion
- Mangaramid kadagiti nainkalintegan a gannuat tapno matawaganka
- Ag-follow up iti uneg ti dua nga aldaw nga addaan iti naisurat a pakaammo
- Mangipakaammo kenka iti berbal ken babaen iti surat a mabalinmo ti agreklamo maipapan iti panagkedked iti kiddawmo iti napapaspas a proseso
Kasano no Kayatko ti Agipasa iti Kanayonan nga Impormasion?
Mabalinmo wenno ti asinoman nga agap-apela para kenka ti mangited iti kanayonan nga impormasion kadakami. Mabalinmo nga aramiden daytoy kabayatan ti proseso ti pannakarepaso ti apela. Ti orasmo nga agipasa iti kanayonan nga impormasion para iti napapardas nga apela ket limitado gapu iti ababa a panawen ti panangproseo iti apela.
Mabalinmo met ti agkiddaw iti kanayonan a 14 nga aldaw tapno maitedmo ti kanayonan nga impormasion. Mabalinkami met nga agkiddaw iti kanayonan a 14 nga aldaw no ipagarupmi a kasapulan ti ad-adu pay nga impormasion ken no pagsayaatam daytoy. No agkiddawkami iti kanayona nga aldaw, pakaammuandaka babaen iti surat. Ibaga pay ti pakaammo no kaano a makompleto ti repaso.
Kasano no Saanko a Kayat ti Pangngeddeng iti Apela?
Mabalin a saanmo a magustuan ti aramidenmi a keddeng a mainaig iti apela. No kasta, mabalin ka nga agkiddaw iti Administratibo a Panagbista iti Estado. Mabalin met nga agkiddaw ti pinilim a pannakabagim. Masapul nga aramidem daytoy iti uneg ti 120 nga aldaw kalpasan a naawatmo ti surat ti pangngeddeng iti apela. Ibaga ti surat no kasanoka a mangidatag iti apela iti Hawai’i Med-QUEST Division. Mabalin ka laeng nga agkiddaw iti Administratibo a Panagbista ti Estado kalpasan a nakompletom ti proseso ti panagapela. Tapno maaramidmo dayta, ipasam ti kiddawmo iti address dita baba.
State of Hawai’i Department of Human Services
Administrative Appeals Office
P.O. Box 339
Honolulu, HI 96809-0339
Mabalinmo nga itakderan ti bagim idiay Administrative Hearing ti Estado. Nupay kasta, mabalin met nga itakderannaka iti maysa a legal a mamalbalakad, maysa a kabagian, maysa a gayyem wenno sabali pay a pannakangiwatmo tapno agtakder kas pannakabagim. Agikeddeng ti estado iti uneg ti 90 nga aldaw manipud iti petsa a naidatag ti kiddaw.
Addaanka met iti karbengan nga agkiddaw iti napaspas nga Administrative Hearing ti Estado. Mabalinmo laeng nga aramiden daytoy no agkiddawka, wenno inikkannaka ti Plano iti napaspas a pannakarepaso ti apela. No saan a naawat ti kiddaw para iti napaspas nga apela, mabalinmo wenno ti asinoman a piliem a pannakabagi ti agkiddaw iti hearing. Masapul nga aramidem daytoy iti uneg ti 30 nga aldaw ti negosio kalpasan a naawatmo ti desision a surat. Maibaga iti surat no kasanoka nga agidatag iti apela. Tapno maaramidmo dayta, ipaw-itmo ti kiddawmo iti address iti ngato.
Ania ti Mapasamak kadagiti Benepisiok (Serbisio) iti Salun-at ti Ugali Kabayatan ti Panagapelak wenno ti Proseso ti Administrative Hearing ti Estado?
Ituloymi ti mangipaay kadagiti serbisyo kenka no mapasamak dagiti AMIN iti sumaganad:
- Ti apela ket nakiddaw iti uneg ti 60 nga aldaw manipud iti petsa a naawatmo ti Surat a Pakaammo iti Saan a Pabor a Pangngeddeng iti Benepisio.
- Ti apelam wenno kiddawmo para iti Administrative Hearing ti Estado ket kairamanan ti maysa a tignay nga ar-aramidenmi tapno maisardeng, mataktak wenno maksayan dagiti serbisio nga inaprobaranmin
- Dagita a serbisio ket inbilin ti maysa a napalubosan a tagaipaay
- Ti orihinal a panawen a sakupen ti pammalubos nga impaaymi ket saan pay a nagpatingga
- Kiddawem nga ituloymi dagiti serbisiom iti umiso a tiempo, iti wenno sakbay ti naladladaw kadagiti sumaganad:
- Iti uneg ti 10 nga aldaw ti kalendario manipud ti petsa nga imbusonmi kenka ti Surat a Pakaammo iti Saan a Pabor a Pangngeddeng iti Benepisio; wenno
- Iti petsa a naplanomi nga isardeng wenno kissayan dagiti serbisio kenka
No ti pangngeddengmi iti apelam wenno ti pangngeddeng ti estado iti apelam (no nagkiddawka iti Administratibo a Panagbista ti Estado) ket saan nga aprubaran dagiti serbisio, mabalindaka a singiren para kadagiti serbisio nga inawatmo kabayatan nga ur-urayem ti desision.
Ti reklamo ket no umawagka wenno agsuratka tapno agreklamoka iti maysa a tagaipaay, iti plano ken/wenno serbisyo. Mabalin a mairaman iti reklamo dagiti sumaganad:
- Dagiti isyu iti kalidad-ti-taripato
- Dagiti panawen ti panaguray kabayatan ti ibibisita ti tagaipaay
- Ti panagtignay dagiti tagaipaaymo wenno dagiti dadduma
- Dagiti saan a nadalus nga opisina dagiti tagaipaay
- Saanmo a magungun-od dagiti impormasion a kasapulam
Kasanoak nga Agidatag iti Agreklamo?
Mabalinmo ti agreklamo iti aniaman nga oras. Mabalinmo wenno ti sabali ti agreklamo babaen iti tawag wenno surat kadakami. Mabalinmo met ti mangipatulod ti fax iti 1-866-388-1769. Mabalin met nga agidatag para kenka iti reklamo ti taga-koordinar/ahensia wenno tagaipaay iti salun-at no ipalubosmo nga aramidenda dayta.
Masapul a pakaammuannakami nga umanamongka nga adda sabali nga agreklamo para kenka. Tawagam ti Customer Service a libre iti 1-866-401-7540 (TTY 711). Wenno agsuratka idiay:
‘Ohana CCS Health Plan
Attn: Departamento ti Rurod
949 Kamokila Boulevard, 3rd Floor, Suite 350
Kapolei, HI 96707
Fax: 1-813-865-6861
Mabalindaka a tulongan no agsasaoka iti sabali a pagsasao.
Mabalinmo met nga awagan ti Serbisyo ti Kustomer no kasapulam ti tulong iti panagidatag iti reklamom. Iti uneg ti 5 nga aldaw ti negosio apaman a naawatmi ti reklamom, patuludandaka iti surat a mangipakaammo kenka a naawatmi daytoy. Agikeddengkami iti uneg ti 30 nga aldaw.
Mabalinmo met ti agkiddaw iti 14 nga aldaw a pannakaiyat-atiddog ti panawen no masapulmo ti ad-adu pay a tiempo para iti impormasion a pangsuportar iti reklamom. No masapulmi ti ad-adu pay a tiempo, tawagandakanto tapno ibaga kenka no apay. Ibagaminto met kenka babaen panangipatulod iti surat iti uneg ti dua nga aldaw ti kalendario. Aramidenminto daytoy no masapulmi ti ad-adu pay nga impormasion ken para daytoy iti pagsayaatam.
Panangrepaso ti Estado iti Reklamo
Mabalinmo met ti agkiddaw iti repaso ti estado iti reklamom. Masapul a maaramid daytoy iti uneg ti 30 nga aldaw kalpasan a naawatmo ti sungbat a surat manipud kadakami. Tapno makiddawmo daytoy a repaso, umawag wenno agsuratka iti MQD idiay:
Med-QUEST Division Health Care Services Branch
601 Kamokila Blvd., Suite 506A
Kapolei, HI 96709-0190
O’ahu: 1-808-692-8094 (TTY 1-808-692-7182)
Dagiti Kabangibang nga Isla: 1-800-316-8005 libre (TTY 1-800-603-1201)
Addanto mangrepaso iti reklamom ken sumungbat iti uneg ti 90 nga aldaw kalpasan a naawatda dayta.